Бутунжаҳон Алоқа куни ва “Қазпочта” ҲЖ ташкил этилганига 25 йил тўлиши муносабати билан Шимкент шаҳридаги мазкур жамиятнинг вилоят филиали биноси қошида “Обуначилар куни” нишонланди. Унда учинчи мегаполис номини олган шаҳардаги барча матбуот воситалари вакиллари иштирок этди.

“Қазпочта” ҲЖ вилоят филиалининг директори Бақитжан Исқақов сўзга чиқиб, меҳмонларни байрам билан табриклади. Шунингдек, Шимкентда нашр қилинадиган даврий нашрлар муҳаррирлари ҳам сўзга чиқиб, муштарийларини байрам билан табриклашди ҳамда уларнинг сафини кенгайтиришда бор куч-ғайратларини аямасликларини айтишди. Байрамда муштарийлар севимли нашрларига имтиёз билан обуна бўлишди. Обуначилар ўртасида ўйналган лотерея ҳам байрамга алоҳида файз бағишлади. Тадбирда вилоят почтаси раҳбари 

Б. Исқақов Касаба уюшмаларининг халқаро жамияти кенгаши қарори билан “Алоқа соҳасидаги ижтимоий ҳамкорликнинг 20 йиллиги” кўкрак нишони, унинг ўринбосари Азат Самединули эса ҚР Алоқа ва ахборот вазирлигининг Фахрий Ёрлиғи билан тақдирланишди.