Янги йил байрами арафасида Тур­кистон шаҳридаги янги автовокзалга пойдевор қўйилди. Тадбирда қатнашган вилоят ҳокими Жансейит Туймебаев Туркистонни ривожлантириш мақсадида амалга оширилаётган ишларга тўхталди.

– Жорий йилнинг асосий ўзгачалиги – Элбоши Фармони билан Туркистон шаҳрига вилоят маркази мақоми берилгани бўлди. Бугунги кунда шаҳарни ободонлаштириш иш­лари бошланиб кетди. Ҳозир маъмурий-тад­биркорлик маркази, департамент ва бош­қармалар бинолари, кўпқаватли уйлар қурилиши жадал бормоқда. Туркистонга келувчи сайёҳларнинг сони йил сайин ортяпти. Бу йил 1 миллион 300000 сайёҳ келди. Улар­нинг сони янада ортиши кутилмоқда, – деди янги замонавий автовокзал капсуласини солган ҳоким.

Автовокзал ҳудуди 3 гектарни таш­кил қилади. Бинонинг ўзи 2880 квадрат метрда жойлашади. Қурилишни “Қа­сиет Транзит Сервис” МЧБ юритади. Бир кеча-кундузда 10 минг йўловчига хизмат кўрсатадиган автовокзалда кутиш зали, она ва болалар хонаси, ҳайдовчиларни тиббий текширувдан ўт­казиш пункти сингари хоналар мав­­­жуд. 

Автовкозал ишга тушгач, 50 на­фар­­­­­дан зиёд киши доимий иш билан таъмин­­­­­­­­­­­ланади.