Туркистон вилояти ҳокими Жансейит Туймебаев ташаббуси билан жорий йил январь ойининг 9-14 саналари оралиғида мин­та­қамиздан 40 нафардан зиёд устоз Туркияда малака ошириб қайтди.

Анадўли шаҳрида ўқишни бошлаган туркистонликлар сўнг Истамбул шаҳридаги  Абай номли мактабга бор­дилар. Замонавий намуна­даги давлат муас­сасасида таълимнинг янги тех­но­ло­гиялари билан танишиб, "Doga" коллежида меҳмон бўлишди. Бу ерда та­ла­ба­лар техник билими, ил­мий изланишлари ҳамда хал­қа­ро миқёсидаги му­ваф­фа­қиятлари билан аж­ралиб турадилар. 

Таъкидлаш жоизки, Тур­кия­да ўқув йили 15 сентябрда бошланиб, 15 июнда тугайди.  Унда давлат, хусусий ва кеч­ки мактаблар мавжуд. Ўқув йили иккита ярим йилликка бўлинади. Ҳафталик маж­буриятга 20-24 соат инглиз, 5-9 соат немис тиллари ҳам киритилган. Танланадиган фанлар бўйича ота-оналар фар­зандларига дин, ошпазлик, санъат сабоқ­ларини ўргатиш ҳуқуқига эга. Қизлар ва ўғил болалар алоҳида синфларда таҳсил олишади. Ҳафтасига 8 соат шаҳмат ўйини ўрга­тилади. Робототехника мактабдаги мажбурий-фан ҳи­собланади. Жисмоний тар­бия дарсининг 10-12 соати бассейнда ўтади.

Таъкидлаш жоизки, ушбу лойиҳа вилоят раҳбарининг ташаббуси қўлловида жорий йилнинг сўнгигача давом этади.