Элбоши Нурсултан Назарбаев «Нұр Отан» пар­­­­­­­тиясининг ХVIII съездида педагогика соҳаси хо­­димларининг маошини ошириш ҳақида топшириқ берган эди. ҚР Таълим ва фан вазири Кулаш Шам­­­­­­­­­­­­шидинованинг маълум қилишича, соҳа ходим­­­ларининг ойлигини кўпайтириш масаласи аста-секинлик билан ечимини топади. 

Аниқроқ қилиб айтганда, жорий йил таълим соҳасидаги маоши оз ходимларнинг иш ҳақи 30 фоизга кўпайтирилади. 

Яъни таълим муассасаларидаги техник ходим­лар­нинг, болалар боғчалари ва интернатларидаги тар­биячилар ҳамда уларнинг ёрдамчилари, услу­­­бият­чилар, ижтимоий педагоглар, мактабгача муассаса ва коллежлар руҳшунослари, қўшимча таълим мас­кан­лари ходимлари, кутубхоначилар, кашшофлар етак­чи­лари, иш юритувчилар, ҳисобчилар, фаррошлар, кў­ча тозаловчилар, қоровуллар, сантехниклар ва электр­­чи­лар­­нинг маоши оширилади. 

Кулаш Нўғайтай  қизи бундай устамага 500 минг киши­нинг эга бўлишини айтди.

Шунингдек, вазир бу йил мактабларда ўқитувчиларга мўлжалланган инглиз тилини ўқитиш курслари тўхта­­­­тилганини маълум қилди.