Давлат раҳбари Нурсултан Назарбаев республика телеканаллари орқали Қозоғистон халқига қилган мурожаатида Президентлик ваколатини тўхтатганлигини эълон қилди. Шу боис Туркистон минтақасининг зиёлилари Тўнғич Президент ҳақида ўз фикрларини билдиришди.

– Қозоғистонликлар Тўнғич Президентдан эзгу ишлари, тинчлик, барқарорлик ва фаровонлик учун миннатдор. Мустақил мамлакатнинг энг илғор лойиҳалари амалга ошди. Тўнғич Президент – юртдаги тинчлик ва тотувликнинг доимий кафолати бўла олди. Оғир вазиятларда мардларча қарор қабул қилди. Улар ўзини оқлаб, элимизнинг фаровонлашувига олиб келди. Нурсултан Назарбаев ўзининг бор куч-қуввати ҳамда имкониятларидан фойдаланиб, қўйган барча мақсадли режаларни амалга оширди. Ота-боболаримиздан мерос бўлган ҳамжиҳатлик ва тотувликни сақлай билди. Нур оғамиз тарихда қоладиган шахс. Биз ҳали сиз билан биргамиз, қадрли Элбоши! – деди жамоат арбоби Дўсибай Шеримқулов. 

– Халқнинг бирлиги ҳамда баракаси, миллатлар тотувлиги, элнинг тинчлиги – барчаси Элбоши юритаётган одилона сиёсатининг самараси. Қозоғистоннинг мустақиллиги йўлида талай қийинчиликларни бошдан кечирсада, эл фаровонлигини оширишда Элбоши куч-ғайратини аямади. Бугун жаҳон миқёсида фахрланиб айтадиган ютуқларни қўлга киритдик. Жаҳонда юз бераётган инқироздан омон ўтган Қозоғистон баланд чўққиларни эгаллаб, буюк мамлакатга айланди. Куни кеча вилоятда юз берган муҳим воқеалардан бири – вилоят марказини муқаддас Туркистонга кўчириш ва Шимкентнинг учинчи мегаполисга айланиши тўғрисидаги фармонлари бўлди. Заминимизнинг нафақат кенглигидан, балки демографик жиҳатдан ҳам фахрланадиган ҳолатга етдик, – деди шоира Ханбиби Есенқарақизи.

– Юртимиз Мустақиллигини тиклаш Элбоши учун осон кечгани йўқ. Эл тараққиёти умуман бошқа йўналишда кетди. Бозор муносабатлари даврида кишилар қандай яшаш кераклигини билишмасди. Ваҳоланки, тараққиётнинг катта йўли битта эди. Мана, шуни узоқни кўра биладиган Нурекенг билди. Дилларга хотиржамлик бағишлайдиган Миллат Етакчиси ҳали ҳам отдан тушгани йўқ. У биз билан ёнма-ён, Мустақил элини истиқболли этиш йўлида аввалгидан ҳам ғайратлироқ меҳнат қилади, – деди жамоат арбоби Ўринбай Рахманбердиев.