Шимкентда талабалар ётоқхонасида жойлар танқислиги муаммоси ҳал этиляпти. 2020 йилга бориб у кун тартибидан олинади. 

Шимкент шаҳар ҳокими Ғ. Абдирахимов ЖҚПУ  ётоқхонасининг тантанали очилиш маросимида иштирок этди. Шаҳар раҳбарининг айтишича, мазкур университетда сифатли таълим олиш учун барча шароитлар яратилган. Мазкур илм даргоҳининг нуфузи ортиб, хорижлик талабалар кун сайин ўсиб бораётгани ётоқхоналарни кўпайтиришни тақозо этиши аниқ. Айни дамда университетда 5000 нафардан зиёд талаба билим олмоқда. Куни кеча эса бўлғуси мутахассисларга янги ётоқхона фойдаланишга топширилди. Замонавий лойиҳа 350 кишига мўлжалланган бўлиб, талабалар учун қулай тартибда жиҳозланган.

Шаҳардагиг 48та таълим даргоҳида 123 мингдан зиёд талаба таълим оляпти. Олий ўқув юртлари қошидаги 39та ётоқхонада 7600 талаба яшаяпти. 8000 талаба ётоқхонага муҳтож. “Туран” кичик туманида ётоқхона қурилиши кўп муаммоларни ҳал этади. Бунинг учун 8 ер гектар ажратилди, “Шимкент” ИТК сармояси ҳисобига 5 минг ўринли ётоқхоналар қуриш режаланган. Бундан ташқари, “Финансовый центр” ҲЖ билан шартнома асосида 200 ва 350 ўринли ётоқхоналар қурилиши ҳам бошлаб юборилди. Жанубий Қозоғистон фармация академияси тасарруфидаги бино 450 ўринли ётоқхона сифатида таъмирланади.