Қозоғистон Президенти Қасим-Жўмарт Тўқаев Таълим ва фан вазири Кулаш Шамшидиновани қабул қилди

Давлат раҳбарига таълим ва фан соҳаларини ривожлантириш Давлат дастурининг ижроси ҳақида маълумот берилди.

Қасим-Жўмарт Тўқаев уч сменада билим беришни тугатиш, янги мактаблар қуриш ҳамда уч тилда таълим беришга босқичма-босқич ўтиш тадбирларини давом эттириш аҳамиятли вазифалигини таъкидлади.

К. Шамшидинова техник ва касбий билим беришнинг аҳволи ҳамда бизнес ва ўқув юртлари орасидаги ўзаро ҳаракатларни йўлга қўйиш чоралари ҳақида ҳисобот берди. Учрашув давомида олий таълим сифатини ошириш ҳамда ОЎЮ битирувчиларининг меҳнат бозори талабларига мос бўлиш кераклигига алоҳида эътибор қаратилди.

Давлат раҳбари мактаб муаллимлари ва ОЎЮ ўқитувчиларининг ортиқча ҳисобот беришларини бартараф этиб, педагоглар мақомини орттириш, олимларни, биринчи навбатда давлат тилида тадқиқот олиб борадиган гуманитар йўналишда фаолият юритаётган илм-фан намояндаларини давлат томонидан қўллаб-қувватлаш юзасидан аниқ чоралар кўришни топширди.

Қозоғистон Президенти учрашув сўнгида таълим тизими масалалари бундан кейин ҳам диққат марказида бўлишини айтди.