Шимкентда Ғалаба кунига бағишланган "Қаҳрамонларга таъзим" намойиши ўтди. Жанг майдонларида Ватанини қони билан ҳимоя қилган жангчиларнинг қаҳрамонлигини абадийлаштириш мақсадида уюштирилган намойишида уларнинг мингга яқин авлодлари иштирок этди. Шаҳримизда истиқомат қилаётган турли миллат вакиллари  Шимкентнинг  Абай истироҳат боғидаги "Данқ" мемориали қошидан катта авлод вакилларининг расмлари илинган тахтачаларни кўтариб ўтишди, «Мангу олов» қошига  гулчамбарлар  қўйишди.

Шимкент шаҳри ҳокими Ғ. Аб­дирахимов Ғалабанинг 74 йил­лиги билан фахрийлар ва ҳам­юртларимизни  табриклади. 

Меҳмонларга ҳарбийлар ҳа­ётидан саҳналаштирилган асар­лар намойиш этилди, ҳарбий-дала ошхонасида тайёрланган бўтқани тановул қилишга таклиф этишди. 

Таъкидлаш жоизки, уруш йил­ларида Шимкентдан фронтга 23 мингдан зиёд ҳамюртларимиз отланишган, 11 мингдан зиёди жанг майдонидан қайтмаган. Айни пайтда мегаполисимизда 54 нафар УВУ фахрийси, 4276 нафар уруш фахрийсига тенг­лаштирилган шахс ҳамда меҳнат фахрийси  истиқомат қилади.