Ариснинг бугунги аҳволи ҳақида аниқ маълумот бериш мақсадида Арис шаҳри ҳокими Мурат Қидирбек, ҚР Мудофаа вазирлиги вакили Ермият Бятов, Туркистон вилоят соғликни сақлаш бошқармаси раҳбари М. Егизбаев матбуот анжуманида иштирок этдилар.

– ҚР Қуролли кучларининг ҳарбийлари Арис шаҳри ҳудудини тўлиқ қайта текшириш ишларини олиб боришмоқда. Натижада 28 мингдан зиёд ўқ-дори топилди. Шаҳар яқинидаги Ақдала, Дермене қишлоқларини тозалаш ишлари тугатилди. Шунингдек, Арис ҳудуди ва унга тегишли жойларда радиациявий, биологик шароитга мониторинг юритилди. Шаҳарда радиациявий ҳолат барқарор. Портлаш содир этилган ҳарбий бўлим командири айни пайтда ўз хизматини давом эттирмоқда. Унга тегишли тергов ишлари юритилмоқда, – деб маълум қилди Е. Бятов.

Арис шаҳри ҳокими М. Қидирбек “Офатдан зарар кўрган шаҳар 17 шўъбага бўлиниб, ҳар бир вилоят иши авжида. Бугунги кунда 170 бригада қурилишга киришди. Таъмирлаш ишлари ой давомида тугатилади. 748 та уйда таъмирлаш ишлари юритилмоқда” деди.

Вилоят соғликни сақлаш бошқармаси раҳбари М. Егизбаев айни пайтда Арисдаги касалхона беморларни қабуллаётгани ва бир ой ичида шаҳар касалхонаси тўлақонли ишга туширилишини айтди.