Вилояти ҳокими Ў. Шўкеев Арис шаҳрида рақамлаштириш масаласи бўйича мажлис ўтказди. Туркистон вилоят ахборотлаштириш, давлат хизматларини кўрсатиш ва архивлар бошқармаси бошлиғи Елнур Утебаевнинг айтишича, Арис шаҳрини рақамлаштириш бўйича ишлар юритилмоқда.

 Яқинда 17та шўъбага бўлинган шаҳарнинг  3D харитаси тайёрланди. Бу харитага шаҳардаги уйлар ва  уларда рўйхатга олинган уй соҳиблари тўғрисида маълумотлар киритилган. Қўшимча тарзда шаҳар кадастрига киритилмаган уйлар ҳам аниқланган. Шу боис вилоят ҳокими ҳаммани ҳужжатлаштириш базасига киритиш бўйича топшириқ берди. Ушбу харита орқали Арис шаҳрида бўлган фавқулодда ҳолатга ёрдам бериш осонлашди. Ҳар бир уй рўйхатга олиниб, улардаги қурилиш ишлари, гуманитар ёрдам  етказилиши назорат қилинади. Аҳоли бу ишларни онлайн тартибда назорат  қилиб, камчиликлар аниқланса, тегишли  жойларга хабар беради.

Шу билан бирга йиғинда эвакуация чоғида ҳужжатларини йўқотган аҳолига улар бепул  берилиши таъкидланди.

 Ў. Шўкеев Арисни “ақлли шаҳар”га айлантириш йўлидаги ишларни кучайтириш ва аҳолининг  турмуш шароитини яхшилашга йўналтирилган ташаббусларни йўлга қўйиш бўйича топшириқлар берди.