Арис шаҳридаги фавқулодда вазиятга доир аҳолига 100 минг тенге нафақа тўлаш бўйича турли саволлар туғилмоқда. 

Қўшни аҳоли манзиллари аҳолисидан ҳам саволлар бериляпти. Бироқ мазкур нафақа ҚР Ҳукумати тасдиқлаган рўйхат бўйича берилади. Шу жумладан, Арис шаҳри бўйича – 44 994 киши, Ақдала қишлоқ округида – 4324 киши, Қўжатўғай қишлоқ округи бўйича – 4232 киши, Дермене қишлоқ округида – 2052 киши. Умуман, биринчи навбатда 55602 фуқарога 100 минг тенгедан 5,6 млрд. тенге миқдорида нафақа тўланиши режаланмоқда. Уни тўлашга ҚР Ҳукуматининг захирасидан 3 млрд. тенге, вилоят бюджетидан 1 млрд. тенге ва махсус ташкил этилган “Туркистан” ижтимоий жамғармасига келиб тушган маблағдан 1,6 млрд. тенге ажратилиши кутилмоқда.

Маҳаллий аҳолидан ҳужжатларни қисқа муддатда жамлашга Арис шаҳридаги 17 шўъбада тасдиқланган тегишли мутахассислар ва туман, шаҳар ҳокимликларининг ходимлари жалб этилган. Улар жорий йилнинг 3 июлидан бошлаб нафақа олишга аризалар йиғишяпти.