Вилоят ҳокими Ўмирзақ Шўкеев Туркистон шаҳридаги қатор қурилиш иншоотларини оралаб, маҳаллий аҳоли билан учрашди. Минтақа раҳбари амалга оширилаётган ишларга маъсул раҳбарларга аниқ топшириқлар берди.

Вилоят раҳбари дасввал  маъмурий-тадбиркорлик мар­ка­зида бўлди. Қурилиш ишла­рини 2019 йил декабрь ойида тугатиш режаланмоқда. Ҳозирги кунда вилоят ҳокимлиги, бошқармалар ҳамда департаментлар бино­ларининг қурилиши юритил­моқда.

Ўмирзақ Естайули бошчи­лигидаги гуруҳ Нур-Султан май­дони ва Медиа марказда бўлди. Алмати шаҳри буюртмаси асо­сида қурилаётган ин­шоот­­нинг умумий майдони – 3 минг квадрат метрни ташкил қи­­­лади. Қурилиш-монтаж иш­ла­ри 2019 йил февраль ойида бош­ланган эди. Туркистон шаҳ­­­­­­­ри­­нинг маънавий-маданий ҳу­­­ду­­дида Қўстанай вилояти бу­­­­­­­юртмасига биноан “Никоҳ са­­­ро­йи” қурилмоқда. Унинг уму­мий майдони – 0,36 гектар. 

Бундан ташқари ҳоким маъмурий-тадбиркорлик мар­ка­зида қад кўтарадиган кўп қа­ватли уйлар қурилиши билан танишди. Бу ерда 12 қа­­­­­­­ватли 36та уй мажмуасини қу­риш режаланмоқда. Умумий май­дони 207,3 минг квадрат метр бўладиган мажмуани “Фев групп” МЧБ ўз маблағи ҳисо­бидан (1980 квартира) бунёд этади.

Шу билан бирга минтақа раҳбари тўкис таъмирлаш иш­­­­­лари олиб борилаётган Тур­­­кистон магистрал сув кана­ли­да бўлди. Кентов йўли бўйига ўтқазилган кўп йиллик да­рахт­лар келаётган баҳорда барг ёзиб, атрофни яшилликка бур­кайди. Минтақа раҳбари экил­ган кўчатларни яхшилаб пар­варишлашни топширди. 

Ўмирзақ Шўкеев катта май­донда барпо этилган  истироҳат боғида тўхтаб, ундаги болалар ўйин майдончасини кўрди. 

Минтақа раҳбари тегишли соҳа етакчиларига олиб бо­ри­лаётган иншоотларни си­фатли ва тасдиқланган жадвалга му­вофиқ тугатилишига асосий эътиборни қаратиб, назоратни ку­чайтиришни топширди. 

Шаҳарликлар Туркистоннинг ривожига қўшаётган ҳиссаси кат­та эканини айтиб, вилоят раҳбарига ўз миннат­дорчи­лик­ларини билдирдилар.