Қозоғистонда ногиронлар реабилитация ашёлари ва махсус ижтимоий хизматларга буюртма беришлари мумкин

2020 йилнинг 1 январидан бошлаб ногиронлиги бор шахслар реабилитация ашёлари ва махсус ижтимоий хизматларга ижтимоий хизматлар портали орқали мустақил равишда буюртма бера оладилар.

Ногиронлиги бор шахсларни реабилитация воситалари билан таъминлаш протез-ортопедия, сурдотехника, тифлотехника ва гигиена воситалари, шунингдек, ногиронлик ўриндиқ-аравачаларини тақдим этишни ўз ичига олади. Махсус ижтимоий хизматларга хусусий ёрдамчилар, ишоравий тил мутахассислари  ва санаторий-курортда даволаш хизматлари киради.

Бугунги кунда техник реабилитация воситалари (ТРВ) ва юқорида таъкидланган хизматлар давлат хариди йўли билан амалга оширилади. Ижтимоий хизмат тизимини замонавийлаштириш, хизматлар сифати ва ҳаммабоплигини ошириш учун 2020 йил 1 январдан бошлаб мамлакатнинг бутун ҳудудида ижтимоий хизматлар портали жорий этилади.

Портални жорий этиш натижасида ТРВ ва махсус ижтимоий хизматлар кўрсатиш муддати илгариги 8 ойдан бир-икки ҳафтагача қисқаради. Ногиронлиги бор фуқароларнинг хоҳишига кўра техник реабилитация воситалари ва хизматлари белгиланган қийматини қоплаш механизми кўзда тутилган. Бу,  порталда қимматроқ товар ва хизматларни танлаб олишда қўшимча ҳақ тўлаш функциясига эришиш мумкин, деганидир.

Порталнинг жорий этилиши реабилитация воситалари ва хизматларига қулай эришиш, ягона дарча орқали, уйдан чиқмаган ҳолда ўз вақтида ижтимоий ёрдам олиш, шунингдек, алоҳида эҳтиёжларни, етказиб берувчилар, ижтимоий ходимлар ва мутахассислар ҳақидаги маълумотларни олишни таъминлайди. Бу эса ҳалол рақобатни кучайтириш, реаблитация воситалари ва хизматларини амалга оширишда  салоҳиятли етказиб берувчилар иштирокининг шаффофлигини таъминлаш имконини беради.

Илгари хабар қилинганидек, қалдирғоч тартибидаги ушбу портал Ақтўбеда ишга туширилди ва муваффақиятли амалга оширилмоқда. Бир қанча тиббий-ижтимоий муассасалар унга қўшилди.

Бу имкониятдан Қозоғистоннинг барча шаҳарларида яшовчилар фойдалана олиши режалаштирилмоқда, у 400 мингдан кўпроқ фойдаланувчилар ва 200 мингдан зиёд етказиб берувчиларни қамраб олади.