ҚР Меҳнат ва аҳолини ижтимоий муҳофазалаш вазири Биржан Нуримбетов ноқонуний МИЁ тўлангани учун участка комиссиялари ходимларига қандай жазо кўрилганлигини маълум қилди.

– Манзилли ижтимоий ёрдам бўйича жорий йил апрель-май ойларида уларни тўлаш мезонлари ўзгарди. Ўтган йили мазкур ёрдамни 111 минг оила олган бўлса, ҳозир улар сони 450 мингтага етди. Тўғри, ишда камчиликлар бўлди. Мутахассисларнинг жавобгарлиги бор, улар аризаларни қабул қилишган, айни дамда эса бу масалани тартибга келтириб қўйдик, – деди Биржан Нуримбетов ҚР Сенатининг  пленар мажлисида.

Вазирнинг айтишича, 194 ходим интизомий жавобгарликка тортилган.

– Уч нафар раҳбар ишидан бўшатилди, 15 нафари жиноий жавобгарликка тортилди. Айни дамда иккита  қарор бўйича қарор қабул қилинган, 13та иш эса кўрилмоқда, – қўшимча қилди вазир.

Шундай ҳолатлар борки, оилалар катта коттежларда яшаб, қиммматбаҳо машиналари бўлса-да МИЁ олишган. Яна шундай оилалар борки, улар ўта ночор аҳволда. Комиссияларнинг қарорлари – аниқ бир қарор эмас. Сўнгги қарорни ваколатли орган қабул қилади, – деди маҳкама раҳбари.