– Бутун қиш мавсуми давомида Қозоғистон ҳудудидаги об-ҳаво Атлантика циклонлари ва улар билан боғлиқ бўлган Атлантика фронтига боғлиқ бўлади, улар кучли қор ёғиши, бўрон ва шамолларни келтириб чиқаради. 

26-27 январь кунлари Ақмўла вилоятида бўрондан огоҳлантириш эълон қилинди, довул, муз ва шамолнинг тезлиги секундига 30 метргача ёки ундан зиёд бўлиши кутилмоқда. 

Буни ҚР Президенти ҳузурида ўтган брифингда «Казгидромет» қисқа муддатли об-ҳаво тахминлари бўлими бошлиғи Алуа Саханова маълум қилди.

Шунингдек, А. Саханова таъкидлаганидек, Қозоғистоннинг шимолий ярмида қор одатда 2-3 ой сақланади. 29-30 январь кунлари шимолий-ғарбий антиклоннинг келиши кутилмоқда. Ҳаво ҳарорати ой аввалидагига ўхшаш бўлади, кечаси шимолда, шарқда ва республика марказида 20-30 даража совуқ бўлади, аммо бундай пасайиш қисқа муддатли бўлади, чунки Атлантика циклони аллақачон Россиянинг Европа ҳудудига киришга тайёрланмоқда ва у туфайли иссиқлик Қозоғистоннинг ғарбий вилоятларига оқиб кела бошлайди.