Ўтган йил 2 майда Шимкент шаҳар Ал-Форобий туман суди Саудия Арабистонида қўлга олиниб, Қозоғистонга экстрадиция қилинган 41 ёшли Дилмурод Маҳаммадовни 8 йилга озодликдан маҳрум этиш тўғрисида ҳукм чиқарди.
Жазосини хавфсизлиги ўртача даражадаги ҳибсхонада ўтаётган Дилмурод Маҳаммадов ҚР Жиноят кодексининг “Ижтимоий, миллий ёки диний низо қўздириш” ва “терроризмни тарғиб қилиш” моддалари бўйича айбдор деб топилганди. Ўзи Дилмурод Маҳаммадов ким?
У салафийлик оқимини тарғиб қилади. Саудия Арабистонида Қозоғистондан борган фуқароларга диний хутбалар ўқиган. Бу эса Қозоғистон қонунига мутлақо зид. Унинг жамоат билан олиб борган вазларининг аудионусхалари интернет тармоғига юкланиб, тўғри йўлдан оғган талай кишининг тафаккурини заҳарлаган. Унда айтилган фатволар миллатимизнинг миллат сифатида сақлаб қолинишига ивитқи бўлиб ўтирган қадриятларимизга болта уришга қаратилган ҳаракатларга йўналтирилган. Дилмурод Маҳаммадов қариндошлик муносабатларини тарқоқлаштириб, агрессияни юзага келтирадиган диний мавъизаларни юритган. У туфайли талай оила надоматга қолди. Қозоғистондаги террорчилик ҳаракатларнинг барчаси деярли ушбу оқимни ёқловчилар қўли билан содир этилганининг ўзи бунга ёрқин мисолдир.
Ваколатли орган юритган тергов пайтида экстремистик йўналишдаги жиноятлари учун судланган 20 нафар фуқаронинг Дилмурод Маҳаммадовнинг хутбасини тинглагани исботланди. Салафийлик оқимини ёқловчилар олиб борган диний ваз пайтида Дилмурод Маҳаммадов қандай масалаларнинг моҳиятига етиб бормади? Нимани теран тушунмади? Бу борада фикр юритишдан аввал, даставвал унинг ҳаёт йўлига назар ташлайлик.
У 1978 йили Туркистон вилояти, Сариоғоч туманида дунёга келди. Қозоғистон Республикаси фуқароси. Оилали. Икки хотини ва 10 боласи бор. Интернет тармоғида “Дилмурат Абу Муҳаммад” номи билан танилган шахс.
Дилмурод Маҳаммадов 7-синфни тамомлагандан сўнг, Ўзбекистоннинг Наманган ва Андижон шаҳарларида диний таълим олган. Кейин Қирғизистон Республикасида анъанавий Ислом таълимотини ўзлаштирган. Абдусаттор Смановдан билим олиб, ўзбек тилидаги тафсирини қозоқ тилига таржима қилган. Қирғиз Республикасида таҳсил олиб келгандан сўнг Сариоғоч туманидаги “Убай ибн Каъб” мадрасасида шогирдларга билим берган. Ўзининг диний билимини бойитиш мақсадида Дилмурод Маҳаммадов 1998 йили Сурия Араб Республикасидаги Оминия университетига ўқишга тушган. Мазкур илм даргоҳида 2 йил таълим олиб, 2000 йили Саудия Арабистонининг Мадина шаҳридаги Ислом университетининг “Ҳадис” факультетини тамомлаган. Қатар мамлакатида ҳам диний таълим олишга муваффақ бўлганди. Ушбу элда таълим олиб юргандаёқ, ноанъанавий салафий оқимига юз бурган.
Дилмурод Маҳаммадов Саудия Арабистонида диний таълим олишга борган дастлабки қозоғистонлик талабалардан бири. Бу ерда илоҳиётшунослик университетига грант асосида ўқишга тушгандан сўнг, фаоллашиб, янгидан келган талабаларга диний дарслар берган. Бунга қўшимча равишда Мадина шаҳри меҳмонхоналарида Қозоғистон ёки Марказий Осиёдан ҳаж сафарига борган кишиларга диний сабоқлар берган. Бошқа шахсларнинг ҳам ноанъанавий салафий оқимига юз буришига таъсир ўтказган. Бунга қўшимча равишда Дилмурод Маҳаммадовнинг шогирдлари устозларининг Саудия Арабистонида ўтказган дарсларини аудиоёзув билан ҳужжатлаб, интернет тармоғига узлуксиз юклаб ўтиришган. Шу тарзда у Қозоғистонда ва умуман Марказий Осиёда интернет тармоғида танилиб улгурган. Қозоғистонлик салафийлик оқими аъзоларининг асосий қисми ҳозиргача Дилмурод Маҳаммадовнинг интернетдаги диний дарсларини тинглаб келишади. Павлодар вилоят динлараро муносабатларни таҳлил қилиш ва такомиллаштириш марказининг директори Гулназ Мақсут қизи маҳаллий ОАВга берган суҳбатида шундай дейди:
– 2000 йилларнинг бошида бизнинг қозоғистонлик йигитлар илоҳиётшуносликдан таълим олиш учун хорижга кетишди. Шу пайтда биз Саудия Арабистони Қироллигидаги таълим шартлари билан рақобатлаша олмадик. Жумладан, бизнинг давлатдан борган талабаларга бепул билим олиш имконияти берилди. Улар уйларига бориш учун бепул авиачипталар билан таъминланишди. Йилига бир марта ҳожиликка бориш имкониятга эга бўлишди. Стипендиялари 150-200 АҚШ долларини ташкил этди. Ётоқхонада бепул яшаш, ошхонада овқатланиш имконияти берилди. Сўнгги ўн йилликда оилали кишиларга болалари ва аёлини ўзи билан бирга олиб келишга рухсат этилди. Албатта, бундай имкониятлар Қозоғистондаги диний мактабларда бўлмади. Ёшлар мазкур имкониятлардан фойдаланиб, ушбу университетларда жуда яхши теологик тайёргарликдан ўтишди. Келажакда “юлдуз”ни тарғиб қилувчилар таълим масканларининг кафолатчилари бўлишди. Натижада улар интернет орқали бизнинг жамиятга ёт диний мафкурани кенг тарғиб қила бошлашди.
Шу билан бирга, салбий оқимдаги бундай фуқароларнинг асосий муаммоси – Қозоғистон халқининг фуқаровий, миллий яхлитлигини йўққа чиқаришга уриниш бўлди.
Дилмурод Маҳаммадовнинг интернетга юкланган вазларини махсус мутахассислар миллатлараро ва диний тафовутни қўздиришга йўналтирилган экстремистик деб топди. Ўз навбатида унда айтилган насиҳатларнинг мақсади ноаниқ, аксинча яширин эканлигини англаш қийин эмас. Айтайлик, Дилмурод Маҳаммадов бошқа динлар ва этносларнинг вакилларидан нафратланишга ундаб, жамиятдаги миллатлараро ва диний низоларни қўздиради. Шу билан бирга, намоз ўқимайдиган фуқароларга “кофирлар” деган тамғани босади. Дилмуроднинг интернет тармоғидаги дарси чоғида айтган ваъзлари тингловчиларнинг тафаккурида нафрат туйғусини уйғотадиган кишиларнинг нохуш қиёфасини шакллантиради. Мутахассислар интернетда тарқаган аудиоёзувлар орқали Дилмурод Маҳаммадовнинг мавъизаси жамиятнинг бирлигини бузишга йўналтирилганига амин бўлишди.
Дилмурод Маҳаммадов 20 йил мобайнида Ватанида яшамади. Шу боис ҳам у Қозоғистон қонунларини тўлиқ билмасдан маъвизаларини интернет орқали тарғиб қилган. Бу борада у ўзига кўп эрк бериб юборганлигини таъкидлаш жоиз. Яъни, унга ҳокимият ҳам, Қозоғистон мусулмонлари диний бошқармаси ҳам мусулмонларга мавъиза айтиш тўғрисида топшириқ бермаган. Бунга унинг на ахлоқий, на қонуний ҳаққи бор эди. Бироқ...
Павлодар вилоят динлараро муносабатларни таҳлил қилиш ва ривожлантириш марказининг директори Гулназ Мақсут қизи ўз фикрида “Ҳа, Дилмурод Маҳаммадов ўзининг шогирдларини урушга ёки жиҳод қилишга очиқ турда чорламади. Бироқ Сурияга кетган кўп кишиларнинг Дилмурод ва бошқа “етакчилар”нинг хутбаларини тинглаш орқали салафийлик оқимига юз бургани аниқланган. Уларнинг халифалик тўғрисидаги ғояларидан руҳланиб, улар Қозоғистондан воз кечган. Ўз элидан “кофир” деб безиб, Сурияга йўл олган. Кўпчилиги шу ерда ҳаётдан кўз юмган. Шу туфайли қанчадан қанча бегуноҳ болалар ҳаёт билан видолашишди. Ҳозирги кунда жазосини ўтаётган фуқароларга “Кимларни тингладинг?” деган савол берганимизда Дилмурод Маҳаммадовни кўрсатишади. Агар улар Д. Маҳаммадовнинг дарсларини тингламаганда ёт оқимнинг этагида кетармиди? Экстремист аталармиди... Тақдири хавф остида қолган бу фуқаролар орқали Д. Маҳаммадовнинг айблари тақиқланди”, деб келтиради махсус мутахассислар юритган мулоқот пайтида Дилмурод Маҳаммадов “Кўплаб фуқаролар мен туфайли қамоқхонага тушиши мумкин эканини тушунаман. Балки оналарнинг дуои бади менга теккандир”, деган. Мутахассислар бунинг ўзини ижобий жиҳат деб тушунтиришади. Бизнинг бу воқеани муҳокама қилишимизга сабаб нимада?
Қозоғистонда салафийликни ёқловчиларни ана шундай раҳнамоларининг ҳибсга олинганлигидан ижобий хулоса чиқариб олишга ундаш. Яъни, уларнинг жамият билан зиддиятларини тўхтатишдир.
Салафий оқимининг вакиллари эл бирлиги ва осойишталигига хавф туғдирмаслиги керак. Уларга Қозоғистон қадриятлари ва анъаналарини ҳурмат қилишлари кераклигини эслатиш лозим. Реабилитация марказларидаги теологлар ва масжидлардаги имомлар уларга ёрдам беришга доим тайёр.