Туркистон вилояти ҳокимлиги ташаббуси билан Nur Otan партиясининг Мақтаарал туман филиали Фирдавсий қишлоғи аҳолиси ва қурувчи мутахассислар учун маҳорат сабоғини уюштирди. Ундан мақсад – аҳолига янги касб ўргатиб, бошпаналарнинг сифатли ва талабга мувофиқ барпо этилишига имкон яратиш. Сабоқ амалий машғулот шаклида ўтди. Тадбир доирасида аҳолига уй пойдеворини қуйиш пайтида қанча цемент қўшиш кераклиги, ғишт теришда қандай талабларга риоя этиш зарурлиги атрофлича тушунтирилди. Ҳатто мутахассислар қурилиш талабларининг ҳар бир жиҳати бўйича маслаҳат беришди. 

–Бугун қишлоғимизда аҳоли уй солишни бошлаб юборди. Давлат 17 млн. тенгемизнинг тенг ярмини ўтказиб берди. Қурилиш суръатини сусайтирмаслигимиз керак. Бугун маҳаллий партия маҳорат сабоғи уюштирди. Бу биз учун ўта зарур эди. Зеро, аҳолининг кўпи қурилиш ишларининг талабларига риоя қилавермайди. Шуни эътиборга олган фидойилардан миннатдормиз, – дейди Фирдавсий қишлоғи турғуни Муҳаммаджон Мирзахўжаев.

 Айни дамда фирдавсийликлар давлатдан ажратилган маблағларига уй қуришни давом эттиришмоқда.