Алоқа ва ахборот ходимлари кунини кенг жамоатчилик билан нишонлаш мақса­дида ўтказилган анънавий тадбирда газетанинг директор-бош муҳаррири Али­шер Сотволдиев таҳририятга таклиф этилган жамоатчи мухбирлар, газетамиз жонкуярларини муқад­дас Ҳайитга ҳамқадам келган ушбу шодиёна билан қутлаб, эзгу тилакларини билдирди. 

Дастлаб “Жанубий Қозоғистон” газетаси томонидан уюштирилган “Андазага сиғ­майдиган фикрлар” танловининг якуни чиқарилди. Айтиш жоизки, танлов жамоат­чиликнинг катта қизиқишини уйғотди. Айрим мақолалар баҳс ва мунозараларга сабаб бўлди. Энг муҳими, муштарийлар эътиборини қозонди. Мазкур танловда фаол иштирок этган Э. Абдунақибов, Ю. Эргашев, М. Абдуғофирова, И. Тожибоев, Қ. Тошхўжаевларга пул мукофотлари ва “Ташаккурнома”лар тақдим этилди.

Шундан сўнг “Оңтүстік Қазақстан” газетаси мухбири, шоир ва таржимон Атанбек Наврўзга ўзбек шоирлари ва ижодкорларининг асар­ларини қозоқ тилига таржима қилишдаги сама­рали хизматлари, адабий алоқаларни ри­вожлантиришдаги серқирра фаолияти учун республика  “Ижодкор” адабий бирлашмасининг “Арғумоқ” мукофоти топширилди.

Ўз навбатида сўз олган жамоатчи мухбирлар М. Абдуғофирова, Э. Абдунақибов, Т. Хонхўжаев, Т. Усмонов, П. Абдазимова, Э. Султоновалар кўрсатилаётган эътибор ва ҳурмат учун таҳри­рият раҳбариятига, ижодкорларга самимий миннатдорчилик билдиришди.

Жамоатчи мухбирларга таҳририят номидан мукофотлар ва байрам совғалари туҳфа қилинди. 

Тасвирларда: таҳририятдаги учрашувдан лавҳалар.