Туркистонда 1 июндан 2020−2021 ўқув йили учун умумтаълим мактабларига 1-синф ўқувчиларининг қабул жараёни бошланди. Пандемия муносабати билан қабул жараёнида бир қанча ўзгаришлар бор.

Ота-оналарнинг илтимосига биноан қабул муддати 20 августгача узайтирилди.

Таъкидлаш жоиз, боланинг соғлиғи тўғрисида тиббий маълумотнома;

ўқувчининг манзили зарур ҳужжатлар рўйхатидан олиб ташланди.

Шунингдек, пандемия шароитида ота-оналарнинг мактабларда тўпланиб қолишининг олдини олиш мақсадида тажриба-синов тариқасида илк маротаба 1-синфга борадиган ўқувчиларнинг ҳужжат топшириш жараёни http://sakura.turkestan. e-orda.kz, http://egov.kz онлайн навбат асосида амалга оширилади. 

Боланинг фотосурати ва туғилганлиги тўғрисидаги гувоҳнома нусхаси ушбу электрон сайтлари орқали юборилади.

Бугунги кунга қадар 4300га яқин ариза қабул қилиниб, ҳужжат ва маълумотларни тўлиқ ва тўғри рўйхатдан ўтказган 3800 нафар бола таълим муассасаларининг 1-синфига қабул қилинди. Қолган 500таси эса кўриб чиқилмоқда. 

Умумтаълим мактабларининг 1-синфига қабул қилиш билан боғлиқ саволлар, таклиф ва шикоятлар юзасидан шаҳар таълими бўлимига мурожаат этиш мумкин.

Аризани топшириш ва тўлдириш бўйича кўрсатмаларни юқоридаги сайтлардаги видеороликлардан кўриш мумкин. 

Ота-оналардан мактабларга ташриф давомида карантин қоидаларига қатъий амал қилиш ҳамда ижтимоий масофа сақлаш сўралади!