Қозоғистонда талабга эга ихтисосликлар рўйхатини тракторчилар ва сартарошлар бошлаб берди. 

2021 йили Қозоғистонда талаб кучли 30та ихтисослик рўйхати эълон қилинди. ҚР Меҳнат ва аҳолини ижтимоий ҳимоя қилиш вазирлиги талаб кучли ихтисосликлар қаторига тракторчилар ва сартарошларни ҳам киритди. Бу рўйхатда ўқитувчилар ва тарбиячилар ҳам бор. Чунончи, долзарб ихтисослик бўйича таҳсил олаётган ёшларимиз ҳам анчагина.

– Шимкентда ишга жойлашиш жуда қийин. Таниш керак. Мен IT ихтисослиги бўйича дастурчиман. Ҳозир ўқияпман, – дейди Феруз.

Маҳбуба Ашурова, сартарош: 

– Кейинги йилларда гўзаллик салонлари соҳасида рақобат кучайди. Аҳоли талаби ҳам ортиб бормоқда. Аслида бизнинг ишимиз осон эмас. Кун давомида тик оёқда туриб хизмат кўрсатамиз. Нафақат соч қирқиш, бўяш, турмаклаш, балки баъзида руҳшунос бўлишимизга ҳам тўғри келади. Мижознинг кайфиятини кўтаришга ҳаракат қиламиз. Касбим ўзимга жуда ёқади. Сабаби, мижозларнинг ҳузуримдан гўзаллашиб, хушкайфиятда чиқиб кетиши қалбимига қувонч бағишлайди.

Асилбек Науризбаев, Шимкент шаҳар аҳоли бандлигини таъминлаш маркази касбий ўқитиш бўлими раҳбари: 

– Иш берувчиларнинг аризаларига мувофиқ, техник мутахассисларга талаб кучайди. Чилангар, электрчи, автомеханик, ошпаз, қандолатчи ҳамда визажист, маникюр устаси каби касб эгалариларининг омади келди.