Жанубийқозоғистонлик 500 ўқувчи Элўрдада ўтаётган ЭКСПО-2017 халқаро кўргазмасини томоша қилмоқда.   Болаларни вилоят  марказидаги  маъмурий ишбилармонлик марказининг бош майдонида минтақа раҳбари ўринбосари Бауржан Жамалов ҳамда ота-оналари, устозлари ва дўстлари оқ йўл тилаб, жўнатишди. Ҳомийларнинг қўллови билан амалга оширилаётган эзгу ишлар доирасида болалар кўргазмани оралаб, пойтахтнинг  диққатга сазовор жойларини томоша қилмоқдалар. 

Сайёҳатнинг дастлабки ку­нида фаол гуруҳ аъзолари кўр­газманинг асосий иншооти – “Нурли олам” миллий па­вильони, шунингдек, хорижликлар тав­сия қилган замонавий тех­нологиянинг янги ютуқ­ла­рини томоша қилиб,  энг яхши лойиҳа  билан танишадилар.

Айтиш жоизки, мам­лака­тимиз бош шаҳри – Астанада ўтаётган ЭКСПО-2017 хал­қа­­­ро кўргазмасини бугунги кун­гача 30 мингдан зиёд жану­бийқозоғистонлик томоша қилган. Ундан 2 минг нафарга яқини мактаб ўқувчилари. 

Бунгача ЕХРО-2017 халқаро кўргазмасини томоша қилиш учун минтақадаги ижтимоий кам таъминланган оила фарзандлари ва ўқишда аъло­чи, жамоат ишларида фаол қатнашган ҳамда билими ва намунали тар­тиби учун ўқувчиларга давлат ҳамда ҳо­мийлар ҳисобидан 3750 ўқувчига йўл­ланма берилган эди. 

Бугунги кунгача йўлланма олган болаларнинг 2250 нафари ушбу кўргазмани томоша қи­либ қайтган бўлса, қолган 1500 ўқувчи сентябрь ойигача Элўрдамизга бориб, маданий тадбирни томоша қилиб қайтишади.