Мамлакат ҳудудларида “Ёшлар имконият маркази” ва ёшлар ташкилотлари ташаббуси билан “Тоза Қозоғистон” республика экологик акцияси бошланди. Кенг кўламли экологик тадбир беш ҳафта давом этади, унинг ҳар бири муайян мавзуга бағишланади, дея хабар беради ҚР Маданият вазирлиги. 

13 апрелга қадар давом этадиган биринчи ҳафталик “Тоза ўлка” деб номланади ва унинг давомида аҳоли, фаоллар, ташкилот ва корхоналар ходимлари томонидан туташ ҳудудлар ва ҳовлилар тозаланади.

20 апрелгача давом этадиган ҳафта “Муқаддас макон”деб номланади ва у тарих ва маданият ёдгорликлари ҳудудини ободонлаштиришга бағишланади.

27 апрелга қадар давом этадиган “Яшил ҳудуд” номли ҳафталик дарахт кўчатлари ўтқазиш ва уларни парваришлашга бағишланади.

4 майгача бўлган муддат “Ибратли авлод” деб номланади ва фахрийларнинг ҳовлилари ва қариялар уйлари ҳудудларини тозалаш ва ободонлаштиришга бағишланади.

“Шаффоф булоқ” деб номланган сўнгги, бешинчи ҳафтада сув омборлари атрофи – дарё ва кўллар чиқиндилардан тозаланади.