Тўлебий туманида Туркистон вилояти ҳокими Ўмирзақ Шўкеев ташаббуси билан ташкил этилган «Ғамхўрлик» хайрия лойиҳаси амалга оширилмоқда. Дастурнинг мақсади – кам таъминланган, эҳтиёжманд оилаларга ёрдам бериш. Айни пайтда туманда 59та кам таъминланган оила рўйхати шакллантирилди. Ҳар бир оилани туман маслаҳати депутатлари, қишлоқ ҳокимлари, мустақил бўлим, муассаса раҳбарлари ва тадбиркорлар оталиққа олишди.
Улар ушбу оилаларни озиқ-овқат билан таъминлайди, қонунлар доирасида ҳужжатларни тайёрлаш ва расмийлаштиришда ёрдам беради.
 Айни пайтда туман бўйича 139 оилага 3 миллион тенге миқдорида турли ёрдам кўрсатилмоқда. Хусусан, оталиққа олганлар қийин ҳаётий вазиятга тушиб қолган 59 оилага 1 миллион тенгедан зиёд моддий ёрдам кўрсатди.
Шунингдек, вилоят этномаданият бирлашмалари томонидан 8 оилага 150 минг тенге миқдорида озиқ-овқат маҳсулотлари тарқатилди, «Ёшлар имконият маркази» томонидан 10 оилага 150 минг тенге миқдорида моддий ёрдам кўрсатилди. Бундан ташқари, «Halyk Bank»
2021 йилнинг биринчи чорагида манзилли ижтимоий ёрдам оладиган ҳар бир оилага 23 554 тенге миқдорида озиқ-овқат саватлари таратди. Умуман олганда, 62 оилага қарийб бир ярим миллион тенгелик моддий ёрдам кўрсатилди.