Туркистон вилоятида жорий йилнинг 4 ойида 93та ариза юзасидан текширувлар юритилиб, 8 нафар амалдор ва ҳуқуқий шахс маъмурий жавобгарликка тортилди.
Таълим қонунларини бузгани учун 12 нафар мансабдор шахс огоҳлантирилган. Шунингдек, иккита мактабнинг лицензияси вақтинча тўхтатилиб, 115 ОҲК ҳисобида жарима солинди. Буни минтақавий коммуникациялар марказида ўтган брифингда вилоят таълим сифатини таъминлаш департаменти раҳбари Бақитжан Мухамеджанов маълум қилди.
– Давлат назорати тадбирларининг ижроси доирасида режага мувофиқ, 2021 йилнинг 1-ярмида профилактик текширув юритилиб, натижада 30та таълим муассасаларида дарсга қатнашиш давомати тўғри ташкил қилинмагани аниқланиб, кўрсатмалар берилди. Бундан ташқари, департамент томонидан ҚРнинг “Педагог мақоми тўғрисида” қонун талабларини бузгани учун 2 нафар амалдор шахсга нисбатан чора кўрилди. Шунингдек, қонунчиликка мувофиқ болаларнинг мактаблардаги дарсга иштирокини тўғри ташкиллаштирмагани учун ота-оналарни маъмурий жавобгарликка тортиш тўғрисида қарор чиқарилиб, 29 170 тенге миқдорида жарима солинди, – деди Бақитжан Қалжанули.
Департамент томонидан вилоят ҳудудидаги мактабларда билим бериш ташкилотлари билан тасдиқланган педагогик одоб бўйича кенгаш тузилмагани, педагог-таҳлилчиларнинг улуши 35 фоиздан камлиги каби маълумотлар аниқланди.