Туркистон вилоят ижтимоий тараққиёт бошқармаси “Жамоат тотувлиги” муассасасининг Сайрам туман филиали йиллик иш режасига асосан Оқсувкент қишлоғидаги Анвар Исмоилов номидаги гуманитар касб-ҳунар коллежида “Тарихдан сабоқ” мавзуида этнос ёшлари билан учрашув  уюштирилди.

Унда тарихчи ва ёзувчи Иброҳим Туркий, шоир Нурғиса Тўремуратов, Сайрам туманининг фахрий фуқароси Асан Шўқатай, Сайрам туман ўзбек этномаданият бирлашмаси хотин-қизлар кенгаши раисаси Зумрад Аҳмедова, касбий медиатор Сайёра Довонова, Сайрам тумани марказлаштирилган кутубхона-кутубхоначиси Рўза Абдужаппарова, С. Сейфуллин номидаги мактаб-гимназиянинг тарих ўқитувчиси Назира Серперова, Байдибек номидаги 31-сонли умумий ўрта мактаб тарих  ўқитувчиси Аян Муратов, шунингдек, ассамблея тарғибот гуруҳи аъзолари ва ёшлар иштирок этди. 

Йиғилишни “Жамоат тотувлиги” ДККнинг Сайрам туман филиали раҳбари Базарбай Мамадиярули олиб борди.

Тадбирда А. Муратов сўзга чиқиб,  Буюк Дашт тарихининг бир қисми бўлган “Хонқўрғон” археологик ёдгорлигини республика миқёсида ўрганилишини таклиф қилди.

– Миллий қадриятлар – ҳар бир халқ табиатида асрлар давомида отадан ўғилга ўтиб келаётган ахлоқий тамойиллардир. Асрдан асрга ўтиб келаётган халқ хазинаси – тили, маданияти, анъаналари, адабиёти ва санъати халқимизнинг маънавий бойлигидир. Шундай экан, биз бу қадриятларни бугунга қандай етказдик ва уларни эртаги кунга қандай етказамиз? – деди Н. Серперова.

Учрашувни сарҳисоб қилган Базарбай Мамадиярули: “Миллий қадриятлар – миллат хазинаси. Асосий тушунча – етти отадир”, деди. У етти ота қозоқ халқининг анъанавий маданиятида ота томондан шахс келиб чиқишининг шажараси эканлигига тўхталди.

Учрашувда ёшлар ўзларини қизиқтирган саволларга  жавоб олишди.