Туркистон вилоятида эпидемиологик аҳвол туфайли чеклов чоралари кучайтирилди. Буни вилоят санитария-эпидемиология назорати департаменти раҳбарининг ўринбосари Бақтиўраз Елемесов маълум қилди.
– Вилоят бош санитария шифокорининг қарорига кўра, шанба ва якшанба кунлари минтақадаги барча умумий овқатланиш ўринлари, банкет заллари ва ёзги майдонларнинг фаолиятига чеклов қўйилди. Шунингдек, шу кунлари жамоат транспорти, болалар ўйингоҳлари, аттракционлар, батутлар, гўзаллик салонлари, сайёҳлик базалар, дам олиш уйлари, бассейнлар, ҳаммом, сауналар, вилоятлараро ва шаҳарлараро йўловчилар транспорти, компьютер клублари, караоке, боулинг марказлари ҳам хизмат кўрсатмайди. Дам олиш кунлари ишини тўхтатадиганлар қаторида очиқ ва ёпиқ бозорлар ҳам бор. Бу борада вилоятда эмлаш бўйича  жамоавий иммунитетнинг шаклланмаганини таъкидлаш жоиз. Шунинг учун карантин талабларига амал қилиб, унга қатъий риоя қилишни сўранаман, – деди Б. Елемесов.
Ўз навбатида “Атамекен” тадбиркорлар палатаси директорининг ўринбосари Зуҳра Амирова чекловлар ҳатто “Ashyq” лойиҳасида иштирок этаётган тадбиркорлик иншоотларига ҳам қўйилишини маълум қилди. Унинг айтишича, вилоятда пандемия бошлангандан буён COVID-19 иллати билан 8398 фуқаро хасталанган бўлса, унинг 7169 нафари даволаниб чиққан, 56 нафари вафот этган.