Сайрам туманида иситиш мавсуми 22 март куни якунланди. Вилоятнинг қолган 12та туман ва шаҳарларида 1 апрелда, тоғли ҳудудда жойлашган 4та туманда эса мавсумни 15 апрелда якунлаш кутилмоқда. Иситиш мавсумининг бориши муҳокама қилинган ҳафталик девон йиғилишида вилоят ҳокими Дархан Сатибалди туман, шаҳар ҳокимлари ва мутасадди ташкилот раҳбарларига келгуси иситиш мавсумига тайёргарликни бошлаш ва зарур ишларни амалга оширишни топширди. Шунингдек, у аҳоли манзилларини газлаштириш, иситиш қозонларини янгилаш ишларини тизимли йўлга қўйиш зарурлигини таъкидлади.

Вилоят энергетика ва уй-жой коммунал хўжалиги бошқармаси раҳбари С. Далиевнинг маълум қилишича, вилоятда 1та иссиқлик электр маркази, 25та марказлашган иситиш қозонлари мавжуд. Жорий йилнинг январь ойида вилоятда ҳаво ҳароратининг кескин пасайиши туфайли марказий қозонхоналарнинг баъзиларида камчиликлар кузатилди ва улар ўз вақтида бартараф этилди.

ҚР Бош вазирининг 2022 йил 29 ноябрдаги топшириғига мувофиқ, 2023 йил 1 июнга қадар иссиқлик тармоқларининг техник ҳолатини ўрганиш ва аудитдан ўтказиш зарурлиги таъкидланган. Вилоятда бу борадаги ишлар изчил давом эттирилмоқда.