Туркистон шаҳрида ўтган TIF’23 – “Туркистон: Сайёҳлик, Сармоя, Иқтисодиёт” мавзуида халқаро анжуман мазмунли тадбир билан давом этди. 

Шунингдек, Туркистон тўрида Туркий давлатлар ташкилотининг Х саммити натижаларига бағишланган туркий савдо-саноат палатаси уюшмасининг бизнес-анжумани  ҳам ўтди. 

Унда Туркий давлатлар ташкилотига аъзо мамлакатларнинг бизнес вакиллари иштирок этди.

Вилоят ҳокими Дархан Сатибалди қардош мамлакатлар ўртасидаги иқтисодий муносабатлар ривожланиб бораётгани ҳамда минтақада Туркия, Озарбайжон ҳамда ўзга давлатлар билан бирга муҳим аҳамиятга молик лойиҳалар амалга оширилаётганини таъкидлади.

Бизнес анжуманда Туркий давлатлар ташкилотининг Бош котиби Кубаничбек Ўмуралиев ушбу тадбир ташкилотга аъзо давлатлар ўртасидаги иқтисодий ҳамда сармоявий алоқаларни ривожлантиришга жўшқинлик беришини қайд этди. Туркистон шаҳрининг тарихий аҳамиятига тўхталиб, халқаро анжуманда йирик шартномалар имзоланишига ишонч билдирди. Шунингдек, тадбирда Ўзбекистон, Озарбайжон, Қирғизистон давлатлари ва “Атамекен” тадбиркорлар палатаси вакиллари, амалдор шахслар ўз фикр-мулоҳазаларини билдиришди.