Туркистон вилояти – мамлакатимиздаги энг кўп таълим иншоотлари барпо этилаётган минтақадир. Бугунги кунда маҳаллий бюджет ҳисобидан 20та мактаб барпо этилмоқда. Йил охиригача улардан 13таси фойдаланишга топширилади. 

2023-2025 йилларда “Бадастир мактаб” лойиҳаси доирасида 63та мактаб қуриш режалаштирилган. Улардан 29тасини жорий йилда топшириш режаланган. Қурилиш ишлари жадал давом этмоқда. Вилоятда эскирган таълим муассасалари мавжуд. Кўп йиллардан буён сақланиб келаётган ушбу муаммони ҳал этиш бўйича тизимли режа ишлаб чиқилган. 

Вилоят ҳокими ўринбосари Бейсенбай Тажибаевнинг айтишича, жорий йилда 300дан зиёд таълим муассасаларида таъмирлаш ишлари олиб борилиши ва мактаблар барпо этиш орқали хароба мактабларнинг 60 фоизининг масаласи ҳал бўлади.

Вилоятда 520 мингга яқин ўқувчи билим олмоқда. Аҳолини мактабгача таълим ва тарбия билан қамраш учун 5200та янги ўрнини очиш режаланмоқда. Янги ўқув йилида лойиҳага кўра, 52 мингдан зиёд бола 1-синфга қабул қилинади. 912та давлат мактабларининг 224 мингдан зиёд бошланғич синф ўқувчилари бепул иссиқ таом билан таъминланади. Уларни ташиш масаласи ҳам эътиборда, 17 мингдан зиёд бола махсус автобусларда мактабга қатнайди.