Яқинда таниқли тадбиркор, моҳир ташкилотчи, хайриячи, М. Дулатов номли Қўстанай Муҳандислик-иқтисодиёт университети президенти Мадиёр Юнусов ташаббуси билан шу ОТМда «Қўстанай вилояти тадбиркорлар палатасининг ихтисослаштирилган кабинети» очилди.

Тақдимот маросимида ҚР Парламенти Мажлиси депутатлари Айдарбек Хўжаназаров ва Динара Шукижановалар, ОТМнинг расмий ҳамкорлари – минтақадаги йирик саноат корхоналари раҳбарлари ва вакиллари, вилоят тадбиркорлар палатаси раҳбарияти иштирок этишди. 

Тадбир ниҳоясида М. Юнусов олийгоҳ талабалари ишланмаларидан бири – Қозоғистон картасини меҳмонларга тортиқ қилди. Таъкидлаш жоизки, бу ОТМ республикамиз индустриявий тараққиётига зарур муҳандислар ҳамда кучли иқтисодчи ва тадбиркорларни тайёрлашда илғор ўқув-тажриба базасига эга. Талабалар минтақадаги барча йирик завод ва фабрикаларда амалиётни ўтаб, шу жойда ишга жойлашмоқдалар. Халқимизнинг келажаги порлоқ ёшларидан бири Мадиёр Бахтиёр ўғлининг фаолиятига зафарлар тилаб қоламиз.

Университет президенти М. Юнусовнинг яқин ёрдамчиси ва муовини, илғор фикрли ёшларимиздан бири – Рихсивой Мамедов ҳам ОТМнинг самарали фаолиятига муносиб ҳисса қўшмоқда.