Туркистон вилоятида жами 412,1 МВт электр энергиси ишлаб чиқарадиган 26та манба мавжуд. Жумладан, “Чордара СЭС” ҲЖ – 126 МВт, “Кентовсервиc” давлат корхонаси – 7,5 МВт, 24та янгиланган энергия манбалари – 278,6 МВт. Ўтган йили ишлаб чиқарилган электр энергияси ҳажми 992,8 млн. кВт/ соат бўлса, бу йил кўрсаткични 1020,0 млн. кВтгача етказиш режаланган. Бу ҳақда вилоят ҳокими Дархан Сатибалди раислигида ўтган йиғилишда айтилди.

Вилоят раҳбари мутасадди ходимларнинг ишини танқид қилди ва қатор кўрсатмалар берди.

– Биз бошқарма ва ҳуқуқ-тартибот идоралари раҳбарлари билан биргаликда т уман ва шаҳарларда мунтазам равишда шахсий қабуллар ўтказиб турамиз.

Уларда аҳоли асосан, коммунал масалаларни кўтаришади. Хусусан, сифатли электр энергияси таъминоти масаласи кўп айтилади. Вилоятда ушбу масалага масъул бўлган муассасалар раҳбарлари, қишлоқларга бориб, вазиятни яқиндан билиб олишлари керак. Шахсий қабуллар ўтказинглар. Агар даромад топишни истасангиз, одамлар билан ишланг. Бизга қоғозда эмас, аниқ амалий натижа керак. Сармоявий лойиҳаларни қайта кўриб чиқинг, – деди Д. Сатибалди.