Вилоятимизда сув омборларини қуриш, таъмирлаш ҳамда сув сарфини камайтирувчи технологияларини жорий этиш ишлари янги суръатларда давом этади. Мазкур масала вилоят ҳокими Дархан Сатибалди раислигида ўтган девон мажлисида муҳокама қилинди. 

2021-2025 йилларга мўлжалланган “Туркистон вилоятини ижтимоий-иқтисодий ривожлантиришнинг мажмуавий режаси” ҳамда “ҚР сув захираларини бошқариш тизимини ривожлантиришнинг 2024-2030 йилларга мўлжалланган концепцияси”га мувофиқ, минтақада 8та йирик сув ҳавзасини барпо этиш режаланган. 2021-2023 йилларда 2та сув иншооти фойдаланишга топширилди. Улардан бири – 18,5 млн.куб метр сиғимга эга “Кеңсай-Қосқорған-2” сув омбори бўлиб, йилига 31,0 млн.куб.метр сувни тежаш имконини беради. “Туркистон магистрал каналини тубдан таъмирлаш” лойиҳаси бўйича 59 чақирим канал бетон билан қопланди.

Илгари сувнинг 43 фоизи исроф бўларди. Лойиҳа исрофни камайтириб, йилига 60 млн. куб.метр оқар сувни тежаш имконини беради. Канал ўтказгичларида австралия технологияси бўйича 66та автоматлаштириш тизими ўрнатилди.

Вилоят ҳокими Дархан Сатибалди суғориладиган ерлар майдонини кенгайтириш, сув омборлари ва каналларнинг самарадорлигини ошириш зарурлигини таъкидлади.

Мажлисда сув иншоотларининг қурилиши бўйича вилоят қишлоқ хўжалиги бошқармаси раҳбари ўринбосари Алибек Плалов ва қурилиш бошқармаси раҳбари Тўқтар Усубалиевнинг ҳисоботлари тингланди.