Қозоғистон Республикаси Марказий сайлов комиссияси раиси Нурлан Абдиров амалий ташриф билан Туркистон вилоятига келди. Сафар доирасида Туркистон шаҳри ва Ўтрор, Саврон туманларида бўлди. Биринчи куни Ўтрор туманидаги ёш сайловчилар билан учрашиб, округ ҳудудий сайлов комиссиялари фаолияти билан танишди. Шунингдек, Туркистон шаҳрида вилоят ҳудудий комиссияси аъзолари билан учрашув ўтди.

Иккинчи куни комиссия раиси вилоят ёш сайловчилари, депутатлар, ноҳукумат, нотижорат ташкилотлар, сиёсий партиялар вакиллари билан учрашди. Тадбирлар доирасида сайлов тизимидаги ўзгаришлар, сайлов участкалари ва комиссия аъзоларига қўйиладиган талаблар муҳокама қилинди.

Шунингдек, Марказий сайлов комиссияси раиси Саврон округ сайлов комиссияси аъзолари билан учрашди. Нурлан Мажитули сайлов участкасида бўлиб, имконияти чекланган фуқаролар ва кузатувчиларнинг ишлаши учун зарур шарт-шароитлар яратиш зарурлигини таъкидлади. Ташриф доирасида раис Ўтрор ва Саврон туманлари кутубхоналари ҳамда Халқаро туризм ва меҳмондўстлик университетига давлат сайлов тизимини ривожлантиришга оид монографик китобларни топширди.

Бундан ташқари, Нурлан Абдиров вилоят ҳудудий ва округ сайлов комиссиялари аъзолари, Жамбил, Қизилўрда ҳудудий сайлов комиссиялари раислари учун “ҚРда сайлов жараёнини ташкил этишнинг назарий ва амалий асослари” мавзуида ташкил этилган семинарда иштирок этди.