Туркистон вилоятида “Бадастир мактаб” миллий лойиҳаси доирасида қишлоқ ва шаҳар мактаблари ўртасидаги тафовутни сезиларли даражада камайтириш мақсадида замонавий мактаб бинолари барпо этилмоқда. Ушбу лойиҳа асосида вилоятимизда 63та мактаб қурилиши режаланган.

Сариоғоч туманида бу йўналишда 10та мактаб барпо этилди. Хизмат сафари доирасида вилоят ҳокими Дархан Сатибалди туманда барпо этилаётган 900 ўринли таълим маскани қурилишини кўздан кечирди. Пудратчилар билан учрашиб, тегишли кўрсатмалар берди. 

– Юртимиз келажаги, барча соҳалар ва лойиҳалар муваффақияти билимли инсонларга боғлиқ. Шу боис охирги тўрт йилда таълим сифатини яхшилаш, ўқитувчилар мақомини юксалтириш бўйича кўп ишлар қилинди. Энди мамлакатимиз янги даврга қадам қўймоқда. Унда устувор йўналиш айнан таълим соҳасини, одам капиталини ривожлантиришга қаратилган. Мактаблар қурилишини кечиктиришга ҳаққимиз йўқ. Бунга барча эътиборимиз ва имкониятларимизни сафарбар қиламиз. «Бадастир мактаб»лар қурилиши ҳокимлик назоратида бўлади, – деди вилоят раҳбари.

Ҳозирда қурилиш майдонида 80 киши меҳнат қилмоқда. 

Шунингдек, ушбу туманда бошқа таълим масканлари ҳам барпо этилмоқда. Шу жумладан, А. Сулейменов номидаги 300 ўринли мактаб қурилиши бошланди. Бундан ташқари, Дербисек ва Жаскешу аҳоли манзилларида миллий лойиҳа доирасида мактаб биноларида қурилиш ишлари олиб борилмоқда. Жорий йилда “Самал-3” кичик туманида 1500 ўринли мактаб қурилишини бошлаш ҳам режалаштирилган.