Ўтган йили Шарқдаги қўшни элдан мамлакатимизга 100 000 нафарга яқин меҳмон  ташриф буюрганди. Уларнинг тўртдан уч қисмини Хитойда яшаётган этник қозоқлар ташкил этади.  2017 йил эса қўшни элда “Қозоғистонга саёҳат йили” деб эълон қилинди. 

2013 йилдан буён мамлакатимиз ушбу сайёҳлар оқимига тайёргарлик кўрмоқда. ЭКСПО – 2017 кўргазмаси тарғиботи даврида кўплаб хитойликлар Қозоғистонни томоша қилиш истагини билдиришган. Димаш Қудайбергеновнинг саҳнадаги муваффақиятлари ҳам Буюк дашт ўлкасига қизиқишни кучайтириб юборди.

Қозоғистон Республикаси Сармоялар ва тараққиёт вазирлигининг мўлжалига кўра, жорий йилда 500 000 нафар чамасида Хитой туристлари кўргазмани томоша қилишади. Уларнинг мутлақ  кўпчилиги сайёҳлик гуруҳлари таркибида келишади.  Уларга ягона ADS виза ва  фақат гуруҳ билан бирга ҳаракатланиш ҳуқуқи берилади.

***

Туризм – энг сердаромад соҳалардан бири ҳисобланади. Жаҳон аҳолисининг ўндан бир қисми айнан шу соҳадан тушган фойда ҳисобига яшамоқда. Юксак суръатлар билан ривожланаётган тармоқ келажакда Қозоғистон  иқтисодиёти ўсишига ҳам ижобий таъсир кўрсатиши турган гап.  Расмий маълумотларга кўра, ўтган йили мамлакатимизга келган ҳар бир сайёҳ ўрта ҳисобда 100 000 тенгега яқин пул сарфлаган.