Куни кеча Туркистон шаҳрида Улуснинг улуғ кунига бағишланган “Марҳабо, Наврўз!” республика жамоавий айтишуви ўтди. Унда вилоят ҳокими Дархан Сатибалди шахсан иштирок этиб, томошабинларни байрам билан табриклади.

– Жорий йил Туркистон – Туркий оламнинг сайёҳлик пойтахти деб эълон қилинди. Элимизнинг маданиятини ривожлантиришга йўналтирилган тадбирлар ушбу ташаббуснинг амалга ошишига ижобий таъсир кўрсатишига ишончим комил. Жамбил вилояти ҳамда Туркистон минтақасининг жамоавий санъат кечаси ташаббускорлари – Мажлис депутати Аманжўл Дуйсенбайулига, халқ оқини Асия опамизга, барча санъаткорларга миннатдорчилик билдираман. Келгусида ҳам Туркий оламнинг рамзига айланган шаҳарда маънавият ривожига йўналтирилган янги лойиҳалар давом эттирилади, – дея вилоят ҳокими икки минтақанинг санъаткорларига муваффақият тилади.

Танлов натижасига кўра, республика жамоавий айтишувининг иккинчи босқичига вилоятимиз жамоаси йўлланма олиб, ғолибликни қўлга киритди. Икки жамоага ҳам эҳтиром кўрсатилиб, ҳар бир оқинга 500 минг тенгелик мукофот берилди. Термачи, хонандалар, созандаларга 250 минг тенгедан мукофот, шунингдек, “AMANAT” партиясининг махсус мукофоти топширилди.