2023 йилда Давлат раҳбари Қасим-Жўмарт Тўқаевнинг Хитойга сафари натижалари бўйича “2024 йил – Хитойда Қозоғистон сайёҳлиги йили” деб эълон қилинди. Шу муносабат билан Пекин шаҳрида 28-29 март кунлари режалаштирилган Хитойда Қозоғистоннинг сайёҳлиги йилининг расмий очилиш маросими ўтди. 

Халқаро учрашувда Қозоғистон делегацияси ҳам иштирок этди. Унинг таркибида Бош вазир ўринбосари ва Ташқи ишлар вазири Мурат Нуртилеу, Сайёҳлик ва спорт вазири Ермек Маржиқпаев, шунингдек, ҳокимликлар, “Kazakh Tourism” Миллий компанияси, “Атамекен” МТП-нинг вакиллари ва 150дан зиёд маданият арбоблари бор. 

Тадбирда 17та вилоятнинг тарихи, маданияти ва сайёҳлик салоҳияти билан таништирилди. Туркистон вилоятининг ахборот майдони хитойликлар эътиборини тортди. Хожа Аҳмад Яссавий мақбарасининг, “Жер ана”, қозоқ ботирлари макетлари кўпчиликни лол қолдирди. Меҳмонларга ҳунармандчилик буюмлари, миллий таомлар, сайёҳлик йўналишлари эсдалик совғалар тақдим этилди. Жумладан, Туркистон вилояти маданият ва сайёҳлик бошқармаси, “Open Turkistan” сайёҳлик ахборот маркази, “Керуен Сарай” мажмуаси, “Turan tour” туроператори, вилоят ҳунармандлар уюшмаси фаол иштирок этди.