ҚР Парламент Сенати депутати Али Бектаев Сайрам туманида сайловчилар билан учрашди. Даставвал, у Оқсувкентдаги “Баракат” масъулияти чекланган биродарлик тасарруфидаги икки гектар майдонни эгаллаган иссиқхонани бориб кўрди. Туркия технологияси асосида помидор, бодринг етиштиришга ихтисослашган иссиқхонадан ҳар олти ойда 250-300 тонна  маҳсулот вилоят маркази ва бошқа ҳудудларга жўнатилади. 

Шундан сўнг сенатор ту­ман ҳокимлиги мажлислар залида фаоллар билан уч­рашди. Ҳоким Б. Мамаев олиб борган йиғилишда Али Абди­каримули Элбошимизнинг “Тўртинчи саноат инқилоби ша­ро­итларида ривожланишнинг янги имкониятлари” Мактубида тилга олинган рақамли техно­логияларни ривожлантириш орқали қишлоқ хўжалигини янги босқичга кўтариш, йўл логис­тикасини тараққий эттириш  орқали мамлакатнинг экспорт салоҳиятини ошириш, қишлоқ хўжалик маҳсулотларини етиш­тирибгина қолмасдан, уларни янги технологиялар асосида қайта ишлаб, чет элларга сотиш сингари муҳим масалаларни тилга олди, Сенатда қабул қили­наётган қонун лойиҳаларига тўхталди.

Учрашувда, шунингдек, сена­тор ҳамюртлар томонидан бе­рилган тиббий суғурта жам­ғармаси, тадбиркорларга ис­­сиқхоналар қуриш учун ер участ­­­­калари ажратиш, таълим тизи­­­мидаги ўзгаришлар ва бошқа масалаларга оид саволларга муфассал жавоб қайтарди.