Туркистон шаҳар халқаро аэропортида Халқаро почта алмашиш маркази очилди. Тантанада вилоят ҳокими Дархан Сатибалди иштирок этди.

– Бугун тарихий воқеага гувоҳ бўляпмиз. Минтақа аэропортида Халқаро почта алмашиш марказини очишдан мақсад – юк ташиш ҳажми, солиқ ва божхона тушумлари ортишини таъминлаш, бизнеснинг ривожига ижобий таъсир кўрсатади. Хорижий мамлакатлардан маҳсулотларни бевосита Туркистон шаҳрига етказиш имкони яратилди. Маълумки, яқинда “Turkish Cargo” авиакомпанияси Туркистон шаҳрига илк парвозини амалга оширди. Келгусида ҳафтасига 2та парвоз мунтазам йўлга қўйилади. Шунингдек, “Alpha Sky” “Wizz Cargo” ҳамда бошқа компанияларни жалб қилиш эвазига юк ташиш ҳажмини ошириш режалаштирилган. Ушбу ташаббуслар вилоят иқтисодиёти тараққиётига ижобий таъсир кўрсатиб, аэропорт даромадини ошириш имконини беради, – деди Дархан Сатибалди.

Тақдимот маросимида “Қазпошта” ҲЖ бошқарма раиси Асел Жанасова иштирок этиб, амалга оширилаётган тадбирларга тўхталди.

Таъкидлаш жоиз, Туркистон халқаро аэропорти 3та халқаро (Истамбул, Қувайт, Абу-Даби) ҳамда 6 ички (Астана, Алмати, Ақтов, Ақтўбе, Ўрал, Қўстанай) ҳаво йўналишларига хизмат кўрсатади. Ҳафтасига 32та парвозни амалга оширади. Аэропортнинг ўтказиш имконияти соатига 450 ёки йилига 3 миллион йўловчини ташкил этади.