Яссавий мақбараси ёнидаги майдонда 3000 дўмбирачи Қурманғази куйларини ижро этди 

Дўмбира миллий куни муносабати билан уч минг дўмбирачи ҳамда Ш. Қалдаяқов номидаги вилоят филармонияси, «Сугир» миллий асбоблар оркестри жамоалари иштирокида катта концерт дастури намойиш этилди. Тантана иштирокчилари ва санъаткорларни вилоят ҳокими Ж. Туймебаев номидан унинг ўринбосари С. Уласбеков муборакбод этди. 

– Дўмбира – қозоқ халқининг маънавияти. Дўмбира созини димоғида ёвшан ҳиди билан туғилган қозоқгина яхши тушунади, дея таъкидлади муҳтарам Элбошимиз Н. Назарбаев, дея ўз нутқини бошлади У. Садибеков. “Келажакка йўлланма: маънавий янгиланиш” дастурий мақоласида белгиланган вазифаларнинг амалдаги ижроси Дўмбира миллий кунида ўз ифодасини топди. Барчангизни бугунги шодиёна билан муборакбод этиб, сизларга омад, бахт, саодат тилайман... 

Жамоатчилик гавжум тантанада бош дирижёр Ерлан Дауренбеков раҳбарлигида оркестр ҳамда Туркистон шаҳри ва қўшни шаҳар, туманлардан ташриф буюрган жами минг дўмбирачи композиторлар Туркеш ва Қурманғазининг «Кўнгил очар», «Балбирау», «Сарыарқа» куйларини маҳорат билан ижро этиб, томошабинларнинг қизғин олқишига сазовор бўлди. 

Дўмбира сози боболаримиз мунги, оналаримиз сири, дашт саси ҳамда қозоқнинг асл юрагидан яралган неъмат. Тантанали концерт дастури барчага манзур бўлди. Ҳунармандлар, мусаввирлар кўргазмаси ҳам ташкил этилди. Вилоят миқёсида дўмбирачиларнинг анъанавий мусобақаси шаҳар маданият уйида давом этди.