Қарноқ қишлоқ округи ҳокими Талъат Матмусаевга таҳририят ишлари бўйича учрашиб, суҳбатлашганимда қизиқарли ҳужжат билан таништирди. Кентов шаҳри ҳокимининг ўринбосари Б. Алимбетов номидан имзоланган мактубда Қарноқ қишлоғи аҳолиси номидан меҳнат фахрийлари Т. Саидмуродов, С. Маматраимов, С. Юсуповларнинг вилоят ҳокими Ж. Туймебаевга йўллаган хатларига расмий жавоб берилибди.

– Сизларнинг Туркистон вилояти ҳокими Ж. Туймебаев номига йўлланган илтимосномаларингизга жавобан қуйидагиларни маълум қиламиз. 

Кентов шаҳрига қарашли Қарноқ қишлоғида «Дошқозон» композицияси қурилиши учун Қарноқ қишлоғи Туркистон кўчаси 8 А уй ёнидан 0,0240 га. ер участкасига Қарноқ қишлоғи ҳокимининг 2017 йил 11 апрелдаги 14-сонли қарорига мувофиқ давлат акти олинди. Айни пайтда дошқозон қуйилган жойни аслига келтириш, унинг макетини тайёрлаб, хиёбонга жойлаштириш ишлари билан қурилиши учун композиция лойиҳасини тайёрлашга бюджетдан маблағ ажратишга оид ҳужжатлар тайёрланиб, 2019 йил бюджетига илтимоснома тавсия этилади. 

– Соҳибқирон Амир Темур фармони билан Ҳазрат Яссавий мақбараси учун тарихий ноёб экспонат – улкан Дошқозон қуйилган жойда ёдгорлик композициясини бунёд этиш ҳаракатидамиз, – деди Т. Матмусаев.