Туркистон шаҳрининг ялпи ички маҳ­сулоти аҳоли жон бошига чаққанда 412, 6 минг тенгега етган. Ўтган йили бу кўр­саткич 411,2 минг тенгени ташкил эт­ганди. Бу рақамларни Туркистон ви­ло­яти минтақавий коммуникациялар хиз­матида ўтган брифингда шаҳар ҳокими А. Ўсербаев маълум қилди.

 Унинг айтишича, шаҳарда саноат ва тадбиркорлик соҳасида 35та корхона фаолият юритмоқда. Ҳисобот даврида ялпи саноат маҳсулоти ҳажми 11 млрд 309 млн. тенгени, ўтган йилнинг тегишли даврига нисбатан ўсиш 106 фоизни ташкил этган.

– Индустриявий-инновациявий тараққиёт дастури доирасида 2010-2017 йилларда умумий қиймати 2 млрд.  214 млн. тенгени ташкил этадиган 10та корхона ишга туширилиб,  539та иш ўрини очилди. Ишлаб чиқарилган маҳсулот ҳажми 1  767,2 млн. тенгени ташкил этиб, бу лойи­ҳаларнинг аксарияти қурилиш учун зарур ускуналар ва маиший жиҳозлар ишлаб чиқа­ришга йўналтирилган. “Баянды қу­рылыс”, “Ақ жол”, “Туркистан трасса”, “Строй­сервис 21”, “Kadiris”, “Cordial Turkestan” МЧБ ҳамда “Grand miks”, “Имажанов” хусусий кор­хоналари ша­ҳарни ободон­­­лаштиришга му­­носиб улуш қўшишмоқда, – деди Алипбек Ша­­­­­­­­рипбекули.

Туркистон шаҳри аҳолисининг 94,1 фоизи тоза ичимли сув билан таъминланган. Си­фатли электр қуввати билан таъминлаш кўрсаткичи 99,8 фоизга етган. Айни кунларда коммунал хизматлар билан тўлиқ қамраш мақсадида ишлар олиб бориляпти.