Туркистон шаҳрида ўтган “JAS TURKISTAN – 2019” республика болалар ижодий марафони доирасида ёш авлод тарбиясида муҳим рол ўйнаб келаётган “Сақ” киностудияси “Туркистон” анимациявий фильмини томошабинлар эътиборига ҳавола қилди.

Бадиий фильм ёш авлод қалбига она юртга муҳаббат туйғусини сингдириб, тарихга эҳтиромни шакллантиради.

Туркистон вилояти ҳокимлиги ташаббуси билан суратга олинган 25 дақиқалик фильмнинг формати 2D. Болаларга туҳфа қилинган асарнинг режиссёри ҳамда бош рассоми – Азамат Ерназаров, сценарий муаллифи – Бақитжан Қулжабаев, мусиқасини Айтеке Кўптилеу басталаган.

Фильм тақдимотида сўзга чиққан “Сақ” киностудияси директори Нуриддин Паттеев: – “Сақ” киностудияси анимация соҳасини ривожлантириш билан бирга, боланинг дунёқарашини тўғри шакллантириш, ватанпарварлик, инсонийлик, ҳаққонийлик ҳамда дўстлик каби фазилатларни тарғиб этиб, уларни авлод онгига сингдиришни ўзининг бош мақсади санайди, – деди.

Янги анимациявий фильм томошабинларни ҳаётий воқеалар асосида одамгарчиликка, жамият олдидаги жавобгарликни ҳис қилишга ундайди.