Қасим-Жўмарт Тўқаев уюшган жиноятчиликни тубдан йўқотишга доир еттита вазифа қўйди

Президент Қасим-Жўмарт Тўқаев давлат органлари раҳбарлари иштирокида ўтган мажлисда коррупцияга қарши курашнинг еттита асосий йўналишини белгилаб берди.

Биринчи вазифа – фуқаролар ҳуқуқини ҳимоя қилиш. “Ҳеч ким қонундан ошиб кетолмайди. Биринчи раҳбарлар, марказда ҳам, жойларда ҳам, ўз қўл остидагилари учун жавоб беради  Бунда хўжакўрсинга чора кўриш эмас, балки мажмуавий ва изчил огоҳлантириш механизмларини ишлаб чиқиш зарур.”

Иккинчи вазифа – давлатнинг фуқаролик жамияти институтлари билан амалий ҳамкорлигини мустаҳкамлаш. Шу муносабат билан ҚР Президенти жамиятда ҳар қандай ножўя ҳаракатларга нисбатан муросасиз муҳитни шакллантиришга қаратилган аниқ кўрсатмалар берди.

Учинчи вазифа –  жамоатчилик назоратини кучайтириш. Қасим-Жўмарт Тўқаев давлат қарорларининг қабул қилинишида шаффофликни таъминлаш ҳамда бошқарувнинг барча поғоналарида ноҳукумат ташкилотларни меъёрий-ҳуқуқий ҳужжатларни коррупцияга қарши экспертиза ўтказишга жалб этишни талаб қилди.

Тўртинчи вазифа –  бюджет сиёсати транспарентлигини ошириш. “Давлат дастурларини амалга ошириш ва бюджет маблағларидан фойдаланиш учун давлат хизматчиларининг жавобгарлигини кучайтириш лозим. Халқ маблағини самарасиз ишлатилиши ёки ўғирланиши билан боғлиқ жиноятларга қатъий чора кўрилади”, – деди Қасим-Жўмарт Тўқаев.

Бешинчи вазифа – коррупцияга қарши курашда минтақаларнинг ролини кучайтириш. Шу ўринда, Давлат раҳбари таъкидлаганидек, Элбошининг “Коррупциядан озод ҳудудлар” лойиҳасини самарали амалга ошириш муҳим аҳамият касб этади.

Олтинчи вазифа – давлат хизматлари соҳасини жадал рақамлаштириш. “Бугунги кунгача маълумотлар базасининг 33 фоизи интеграциялаштирилган. Рақамли ривожлантириш, мудофаа ва аэрокосмик вазирликлари саноати бу ишни сифатли ва ўз вақтида тугатиши керак”.

Еттинчи вазифа – давлат хариди тизимини такомиллаштириш, бизнесга  тазйиқ ўтказишни камайтириш.

“Сиёсий хизматчиларнинг марказий идораларда давлат харидларини амалга оширишга аралашувини истисно этадиган аниқ механизмларни ишлаб чиқиш вазифасини қўяман, – деди Қасим-Жўмарт Тўқаев.