Мақтаарал туманида 60926,3 гек­тар экин майдони мавжуд. Жорий йилда 38185 гектар ерда пахта, 1827,6 гектарда эртапишар сабзавот, 54,2 гектарда картошка, 3692 гектарда беда,  3178 гектарда донбоп, 500 гектарда озуқабоп маккажўхори, 1615 гектарда шоли, 152 гектарда мош, 47,4 гектарда буғдой, 11502 гектарда полиз, 90,2 гектарда мева-сабзавот етиштирилди.

Эрта экилган сабзавотлардан 501,1 гектарга карам, 77 гектарда қи­зил лавлаги, 213 гектарга бул­ғор қалампири, 71,5 гектарда пи­ёз, 368,8 гектарга помидор, 173 гек­­тарга бодринг, 210,2 гектарда бақ­лажон, 218 гектарга сабзи экилиб, ҳозирги кунда жами 26388,6 тонна ҳосил йиғиштириб олин­­ди.

Мақтаараллик деҳқонлар кар­тош­­кадан 250,5 тонна, бедадан 22652 тонна ҳамда тумандаги ис­сиқ­хоналарнинг барчасидан 652,2 тонна ҳосил олдилар.

Бугунги кунда полиз маҳсу­лот­ларини йиғиштириб олиш ав­жида. Ҳозирда 100 минг тон­­­­­надан зиёд полиз маҳсу­лот­­лари Қозоғистоннинг барча ҳудуд­ла­рига жўнатилиб, Россия ва Ев­ропа­нинг бир неча шаҳарларига ҳам экс­портга чиқарилмоқда.

Таъкидлаш жоизки, Мақтаарал тумани деҳқонлари республикада биринчи бўлиб, яъни Ўзбекис­тон­дан бир ҳафта аввал полиз маҳ­­сулотларини бозорга чиқа­ради.