Вилоят ҳокими ўринбосари Бейсенбай Тажибаев Байдибек туманига хизмат сафари билан ташриф буюрди.

У қатор ижтимоий ва сайёҳлик иншоотларини кўздан кечирди. Байдибек тумани ҳокими Ерлан Нурмаханов сайёҳлик, таълим ва соғликни сақлаш соҳасида амалга оширилаётган тадбирлар билан таништирди. “Тоза Қозоғистон” республика экологик акцияси доирасида амалга оширилаётган ишлар ҳақида маълумот берилди. Вилоят ҳокимининг муовини фуқаролар қабулини ўтказиб, долзарб масалалар кўриб чиқилди.

Дастлаб у “Байдибек ата” ва “Қос ана” мақбараларини зиёрат қилди. “Қос  ана” мақбарасида сиртқи пардозлаш ишларини юритиб, пешлавҳасини янгилашни топширди. Ушбу ҳудуддаги эски қабр ғиштларини тартибга келтириш ва археологик тадқиқот юритиш юзасидан кўрсатмалар берди. Шунингдек, у ёшлар билан биргаликда Байдибек ота мақбараси ҳовлисига арча экишда иштирок этди.

Ҳоким муовини болалар лагери фаолияти билан танишди. Байдибек ота қишлоғида жойлашган “Тау шыңы” болалар лагери 2012 йилда фойдаланишга топширилган. Мавсум даврида 1200 бола дам олади. Бир сменада 150 нафар болани қабул қила олади. 

Бейсенбай Даулетули жорий йил лагерь биноларини тубдан таъмирлаш ҳамда интернет тизимини юритишни топширди.