Туркистон вилояти Мақтаарал туманидаги қурилишлар айни авжида. Туман маркази – Мирзакент шаҳрида ободонлаштириш, ёруғлик билан таъминлаш ишлари ва йўл, йўлакчалар қурилиши режаланмоқда.

Бугунги кунда 39та аҳоли манзилининг бош режаси тузилмоқда. Шунингдек, мактаблар, маданият уйлари, ҳокимлик бинолари, қўпқаватли уйлар бўй кўтаради.

Мирзакентни кенгайтиришга мўлжалланган 160 гектарли ер участкасига кўпқаватли уйлар қуриш учун бу йил пухта режавий лойиҳа тайёрланмоқда. У тахт бўлгандан кейин мазкур ер участкаси инфратузилма билан таъминланиб, уйлар қурилиши бошланади. Шундай қилиб, бир неча йилдан сўнг “7-20-25” дастури доирасида мақтааралликлар бошпанали бўлишади.

Янгидан қурилган Мақтаарал туманининг мустақил бўлимларини замонавий бино билан таъминлаш мақсадида Мирзакент ҳокимлиги биноси қурилишини бошлаш учун ҳужжат тайёрланди. Шунингдек, Енбекши ва Жамбил қишлоқ округларининг марказларида маданият ўчоқларини ривожлантириш учун бу йил лойиҳа-смета ҳужжатини тайёрлаш мўлжалланмоқда.

Бирлик қишлоқ округи, Пернебаев аҳоли манзилини кенгайтиришга ажратилган 5 гектар ер участкасини ичимли сув ва ёруғлик билан таъминлаш борасида ҳам ЛСҲ тайёрланиш жараёнида. Жана жўл ва Бирлик қишлоқ округларида мол ўлаксаларини кўмадиган ўра қазиш учун ҳужжатлар тайёрланиш арафасида. 

Таъкидлаш жоизки, Мақтаарал туманида республика бюджети ҳисобидан 2та ва вилоят бюджети ҳисобидан 5та мактаб қурилиши юритилмоқда.