Вилоят ҳокими Ўмирзақ Шўкеев кун ботгач, тунги Тур­кистонни оралади. Минтақа раҳбари шаҳардаги икки чақиримда янгидан ўрнатилган тунги чироқлар тизими қурилиши билан танишди. Замонавий, “ақлли” кўча чироқлари тежамли ҳамда уларни олисдан бошқариш мумкин. Бугунги кунда фуқароларнинг хавфсизлигини таъминлаш мақсадида шаҳар кўчаларига видеоназорат камералари ўрнатилмоқда.

– Туркистон тунлари ёруғ ва хавфсиз бўлиши керак, – деди Ўмирзақ Естайули.  

Шаҳар раҳбариятининг ай­ти­­­­­шича, келгусида Туркистон кўчаларида ёритиш тар­моқ­лари янгиланади. Йил охи­ригача кўчаларнинг 24 фоизи чироқлар билан таъмин­ланади. 

Минтақа раҳбари шу ку­ни вилоят марказида қад кў­тараётган “Ақжайиқ” мусиқа мактабида ҳам бўлди. Ғар­бий Қозоғистон вилояти тақ­дим этган икки қаватли би­но­нинг қурилиши якунига ет­­ган. Ўзгача намунада қурил­­­ган иншоот яқин орада фой­да­ланишга топширилади. 

Мусиқа мактабида 550 ўрин­га мўлжалланган концерт за­ли, мажлислар зали, оркестр хоналари ҳамда дам олиш ҳу­дуди мавжуд. Деворлари юқо­ри сифатли акустика панели билан қопланган. Санъат ўчо­ғи барча мусиқий асбоблар би­лан таъминланган.