Вилоят ҳокимининг ўринбосари М. Мирзалиев ва шаҳар ҳокимининг ўринбосари Т. Мусаевлар иштирокида Бутунжаҳон туризм кунига бағишланган “Туркистондаги туризм: янги интилишлар даври” мавзусида тадбир ўтди.

Унда М. Мирзалиев сўнгги йилларда туризм соҳасида амалга оширилаётган ишлар ва очилаётган янги иш ўринлари хусусида маълумот берди. Шунингдек, кундан кунга чирой очаётган Туркистонни келгусида ҳам ободонлаштиришга хизмат қиладиган ғоя-лойиҳалар мавжуд бўлса, уларни қўллаб-қувватлашга тайёрлигини маълум қилди.

Дарвоқе, яқин кунларда очиладиган “Tai-Kazan” этномажмуасида миллий ҳунармандчилик буюмлари, таомлар, хушманзара жойлар ҳам таништирилди. 

Тадбирда  Осиё ўйинлари чемпиони Дидар Хамза   спортни ривожлантириш орқали туризмни тараққий эттиришга улкан ҳисса қўшиш мумкинлигини алоҳида таъкидлаб, шаҳарда спорт мусобақаларини кўпроқ ўтказиб туриш зарурлигини таъкидлади.

Учрашув ниҳоясида вилоят ҳокимлиги, шаҳар ҳокимлиги “Rixos Turkistan” меҳмонхонаси ва “Атамекен” тадбиркорлар палатаси ўзаро ҳамкорлик борасида меморандум имзоладилар.

Тадбирнинг расмий қисмидан сўнг иштирокчилар Арбат майдонига йўл олиб, “Ташрифлар маркази” ва Этноовулдаги тадбирларда қатнашишди.