Шаҳардаги энг йирик ўқув дар­гоҳларидан бири – А. Навоий номли мактаб жойлашган Тўлебий кўчаси бўйидаги пиёдалар йўлаги муаммоси анча йиллардан бе­ри ечимини кутаётган эди. Йил бошида мактаб ота-оналар қў­митаси фаоллари, маҳалла аҳ­ли шаҳар ҳокимлигига ушбу масала юзасидан ёзма равишда мурожаат этиб, ёрдам сўради. 

Ҳатто депутатларга ҳам мурожаат қилинди. Пировардида шаҳарни ободонлаштириш борасида қурилиш режасига киритилган Тўлебий кўча­сида ўтган ҳафтадан таъмирлаш ишлари бошланди. Замонавий плита тўшалган тротуар-пиёдалар йўлагини Шимкентдаги «Старт-Стеон» МЧБ қурувчилари бунёд этмоқда. 

Прораб, 40 йиллик меҳнат таж­рибасига эга Абсаттар Едилбаев барча ишлар сифатли амалга оши­рилишини маълум қилди. Таж­ри­­­­­­бали қурувчи, алп техникани жиловлаган Ирис­муҳаммад Отаев ҳам шу мак­табда таҳсил олган – собиқ ўқувчи. Мактаб маъмурияти-директор Ҳикмат Ажиметов, ота-оналар қў­митасидан Саъдулла Содиқов, мактаб касаба уюшмаси қўмитаси раиси Бобохон Абдуқаҳҳоров, фахрий устоз Абду­­­­раззоқ Даданов, тажрибали устоз Хайрулла Шому­родов, дирек­тор­нинг хўжалик ишлари бўйича ўрин­­босари Бахтиёр Исроиловлар мак­­­­­табнинг 90 йиллик юбилейига му­носиб тайёргарлик кўриш хусусида суҳбатлашдилар. Мактаб дарвозаси пойидаги пиёдалар йўлагининг янгидан бунёд этилиши эса шу қутлуғ санага шаҳар ҳокимлиги томонидан қилинган дастлабки туҳфа бўлди. 

Суратда: мактаб дарвозаси по­йида қурилиш ишлари қизғин.